خياط نسواني. .بقلم.الشاعر. الدكتور علي مسلم عجمي لبنان
خياط نسواني. ..
-------------------------
يا ريتني خياط نسواني
و انتي من الملبوس عرياني
تا فَصّل من رموش عينيي
بدلة دلاعة و غنج ملياني
و من كل موضة قدم هدية
لإم العيون السود ذبلاني
و فصلها بدلة ملوكية
من التنتنا من صنع لبناني
و من فلكلور بلاد ضادية
كل البلاد العرب أوطاني
بجهزلها البدلة المثالية
لوحدها و بالماس غرقاني
و جبلها قماشة حريرية
من نسج دودة قز إيراني
الموديل من لمسة فرنسية
و بالأناقة شغل طلياني
و شكشك عراويها المستحية
بزرار أنتجها بريطاني
و من جلد حية إستوائية
بعمل لها زنار سوداني
و حزام لمساتو نعومية
بفبرك لها و الوبر إلماني
و من جنينة ورد عطرية
بخترع إلها عطر وحداني
و من شعاع الشمس غدوية
بعيونها بزرع قمر تاني
يا ريت لولا بعرف شوية
ويا ريتني خياط نسواني…
الشاعر… د. علي مسلم عجمي
لبنان
تعليقات
إرسال تعليق