جبلنا نادى سهلنا.بقلمي :حبيب عبدو بدرة

جبلنا نادى سهلنا اطمن انا حدك ....

امشي يا نهر على مهلك ...

بعروق القمح تاينبت اصلها ... 

وخليك يا عصفور عم تتنقل ... 

بين الحضن وكتف شجرنا ...

والصبية حاملة جرة احلامها ... 

تتغندر وتميل بكل خصرها ... 

ويا شب بلا ركض عم تتطلع ... 

فيك من تحت جفنها لا تلبكها ... 

رح ضل تمشي وراها بأمان ... 

طالما انا حارسها وصاينك ... 

وحاتشوف الامال تحققت ... 

من بعد تعبنا وجهدنا يلي ما بينتسى ....

وانتا يا سهلنا مليان عزة وكرامة ... 

من قبل الخلق وبعدها ... 

تعلمنا الحب والكرامة من صدور ... 

عم تشبعنا من ولادتنا حتى مماتنا ... 

يا سهل انتا القوي وهيك حاتبقى ... 

لانك مجبول بفطرتك علقوة وما حدا ... 

بيجبرنا الا خالقنا ودايما بتردد وتعيد ... 

لك هيهات انو نتنازل او نتهاون والله ... 

الموت اشرف النا ... 

شوف يا سهل طول عمرك وما حدا قدك ... 

تتطلع بكفوف الدني الرخيصة وما ... 

تتعنى تطلب الحياة من حدا ... 

الا من الله الكريم يلي ما بينسى حدا ... 

""""" حبيب عبدو بدرة """"